Wind
haikoe-bundel
deur Gerrit Wassing
(ISBN 90 72938 22)
Wind zain je nait. Mor wind is overaal. Aan n blad aan n boom vernemen je t.
Aan t geloat van n wichtje op weg noa hoes as t hoar heur om kop floddert.
Zo is t met wat ter in n haikoe gebeurt. Der wordt wat zichtboar, dat
zölf nait te zain is.
Doarom heb ik t taiken veur t woord wind boven op dit boukje schreven. As de
Hemel de wind is, zain je t overaal. In t Oosten op de hillege baarg Foedsji,
in t Noorden op de wierde om t hoes van mien veurollen in Riep...
Biewaarkt op 21-04-06
